Innsigli Íslands 1593.Sjálfur innsiglisstimpillinn er enn til og er varðveittur á Þjóðminjasafni Íslands.
Innsigli Reykjavíkur.Merki Frisaks er hlaðið táknum sem töldust einkenna bæinn eða bæjarlífið. Í öndvegi er maður (líklega sjómaður) sem heldur á hirðisstaf. Vinstra megin er stefni báts og hægra megin eru þrír flattir þorskar, hvort tveggja táknar sjósókn og fiskveiðar. Fugl, við vinstri fót mannsins, táknar nytjar sem mátti hafa af fuglum. Að baki manninum má óglöggt greina fjöruborð eða eyjar. Sverðshluti ofan við fuglinn gæti verið vísun í upphaf bæjarins frá landnámstíð þegar víkingar settust að í Reykjavík.
Innsigli Landsskjalasafns.Á myndfletinum er skjöldur með sitjandi fálka sem blakar báðum vængjum. Um skjöldinn lykur hringur, gamalt tákn eilífðarinnar, og myndar ásamt ytri hringnum leturflöt fyrir nafn stofnunarinnar, en þar er letrað Landsskjalasafn. Undir skildinum er laufsveigur sem minnir á krans eða pálmagrein, sem eru tákn sigurs eða eilífðar. Rétt er að minna á að fálki var einmitt hið nýja tákn Íslands eftir að landið fékk heimastjórn 1904 og var í skjaldarmerki Danakonungs.
Innsigli landfógeta.Þetta innsigli er byggt á innsigli Íslands, en nú er þorskurinn flattur og kringdur með blómsveig. Utan með er á dönsku heiti innsiglisins: SEGL ISLANDS LANGFOGD. Á 17. öld, líklega á dögum Kristjáns 4. Danakonungs, var farið að nota flatta þorskinn sem merki Íslands.
Innsigli Mýra- og Borgarfjarðarsýslu.
Innsigli Gullbringu- og Kjósarsýslu.Bæði þessi innsigli eru einföld að gerð og skrautlaus.
Þjóðskjalasafn Íslands
Embættisinnsigli
Embættisinnsigli eru jafnan með mynd á miðjum fleti sem vísar til eðlis embættisins, oft er um gamalkunn tákn að ræða. Hægt er að smella á myndirnar og fá stærri útgáfu til að sjá betur smáatriði í hverju innsigli.
Innsigli Íslands 1593
Eitt þekkstasta innsigli íslenskt frá síðari öldum er fyrsta sérstaka innsigli landsins frá árinu 1593. Innsigli þetta eða innsiglismyndin var jafnframt skjaldarmerki landsins. Megineinkenni þess er hinn krýndi afhöfðaði þorskur. Ártalið 1593 er letrað að hálfu beggja vegna hans. Þetta var hið opinbera innsigli landsins til 1904. Utan um þorskinn sem er áletrunin: SIGILLVM: INSVLÆ: ISLAND eða innsigli eyjunnar Ísland.
Innsigli Reykjavíkur
Reykjavík var með fyrstu kaupstöðum til að eignast eigið merki. Sigurður Thorgrímssen bæjarfógeti lét Frisak, danskan sjómælingamann sem var hér lengi, teikna merki fyrir kaupstaðinn og var það formlega tekið í notkun 28. janúar 1815. Það var opinbert merki bæjarins til 1957 þegar núverandi merki var tekið upp.
Innsigli Landsskjalasafns
Þjóðskjalasafn hét í upphafi Landsskjalasafn Íslands og var stofnað 1882. Fyrsti landsskjalavörðurinn (1900), Jón Þorkelsson, Forni, lét búa til fyrsta innsigli safnsins. Það sést hér eins og það var þrykkt í lakk á skjal árið 1907.
Innsigli landfógeta
Innsigli landfógetaembættisins eins og það birtist í reikningum jarðabókarsjóðs frá árinu 1852.
Innsigli sýsluembætta
Þegar fram liðu stundir virðast sýsluembættin fá föst innsigli sem ekki tilheyrðu einstaklingi þeim sem gegndi embættinu. Hér sést innsigli í Mýra- og Borgarfjarðarsýslu eins og það var 1907 með undirskrift Sigurðar Þórðarsonar sýslumanns.
Hér má einnig sjá innsigli Gullbringu- og Kjósarsýslu eins og Þórður Guðmundssen sýslmaður notaði það í maí 1849. Á innsiglinu stendur reyndar KIOSE OG GULDBRINGE SYSSEL öfugt við þá málvenju sem síðar skapaðist.