Sýningarnefndin hafði samband við kunna Íslendinga vestanhafs og ræddi mikið um á hvað ætti að leggja áherslu, m.a. siglingar að fornu, bókmenntir og ferðamannalandið eins og sjá má af bréfi nefndarinnar 24. febrúar 1938. (Utanríkisráðuneytið 1967, nr. B/64. Mappa III og IV).
Nefndin tilkynnir í bréfi til forsætisráðherra 2. maí 1938 að ráðgert sé að gefa út fjögur smárit á ensku til að kynna land og þjóð. (Utanríkisráðuneytið 1967, nr. B/64. Mappa III og IV).
Hér má sjá tillögur sýningarnefndarinnar um hvað eigi að sýna. Það sést að megináherslan er lögð á menningarþáttinn, en minna gert úr framleiðsluvörum Íslendinga. (Utanríkisráðuneytið 1967, nr. B/64. Mappa III og IV).
Þrátt fyrir vináttu Norðurlandaþjóðanna ríkir líka samkeppni. Vilhjálmur Finsen í Osló varar forsætisráðherra við því að Norðmenn ætli að nota tækifærið til að kynna fisk og fiskafurðir sínar á sýningunni. Bréf dagsett 22. október 1938. (Utanríkisráðuneytið 1967, nr. B/64. Mappa III og IV).
Sýningin þótti heppnast vel eins og sjá má í blaðaummælum erlendis frá. Vilhjálmur Finsen sendir þessa úrklippu með mynd af innganginum í Íslandsdeildina 11. júlí 1939. (Utanríkisráðuneytið 1967, nr. B/64. Mappa III og IV).Þjóðskjalasafn Íslands
Heimssýningin 1939
Landsmenn hafa kynnt sig utanlands með ýmsu móti. Einn möguleikinn er að taka þátt í menningar- og kynningarsýningum erlendis, sem geta verið af ýmsum toga. Árið 1939 var haldin heimssýning í New York þar sem þjóðum heims gafst færi á að kynna það besta sem þær höfðu fram að færa. Íslendingar stofnuðu nefnd til að annast framkvæmdir og sátu í henni Vilhjálmur Þór, Ragnar E. Kvaran og Haraldur Árnason.
Einn maður varð á undan undirbúningsnefndinni um heimssýninguna 1939, Einar Munksgaard forleggjari í Kaupmannahöfn, sem m.a. gaf mörg helstu fornritin út í glæsilegum ljósprentuðum útgáfum. Hann skrifar Ágústi H. Bjarnason prófessor í október 1937 og vill láta sýna Flateyjarbók og Íslendingabók. Hér kemur líka fram að ekki er víst hvort sýning Íslendinga verði undir hatti Dana eða sjálfstæð — síða 1 (Utanríkisráðuneytið 1967, nr. B/64. Mappa III).
Bréf Einars Munksgaard — síða 2 (Utanríkisráðuneytið 1967, nr. B/64. Mappa III).