Veðurspeki

Gripið niður í G-93/49:

Eitt lítið veður=QUER með skýringum handa BÆNDUM OG HÚSSFREYJUM, SJÓFARENDUM, LOFTFARENDUM og allri AL=ÞÍIÐU.

Saman tekið af avíólóg Þ.Þ. í samráði við hans kumpán G.J. Sjóræningjaútgáfan o.fl. Akureyri 1997.

Í kverinu er m.a. safn orða sem höfð eru um veður. Hér eru orðin sem byrja á u og ú.

UÚ

1. uppgangsveður = stormur eða bylur í aðsigi
2. umhleypingar = þegar oft skiptir um átt
3. undirdráttarveður = veðurbreyting sem blika leiddi í ljós
4. uppgangur = blika á himni sem leiddi til rigningar
5. útlitið óhýrara = verra veður í vændum
6. úrfellishrinur = mikil rigning í hvassviðri
7. úrfellalaust = þurrt veður
8. úrhelli = mikil rigning, stórregn

Í kverinu er einnig nokkuð af málsháttum um veður, en höfundurinn kallar það safn speki.

Speki

1. Með byljum fer batnaði veður.
2. Býsn skal til batnaðar.
3. Að fjúka út í veður og vind.
4. Sjaldan viðrar sama um pálma og páska.
5. Kvöldroðinn bætir en morgunroðinn vætir.
6. Sjaldan nær laugardagsregn sunnudagsmessu.
7. Þá er úti vetrarþraut þegar spóinn vellir graut.
8. „Sama þýtur í þeim skjá, sem þúsund eru götin á.“
9. Að snúast eins og erill í bráðaveðri.
10. Sjaldan þýtur í logni lá.
11. Öll él birtir upp um síðir.
12. Skipast á stuttri stund veður í lofti.
13. Trúðu aldrei á vestandögg né vetrarþoku.
14. Illt veður er af andskotanum útilátið.
15. Votur er vindshalinn.
16. Oft kemur blítt eftir strítt.
17. Veikur er oftast vorísinn.
18. Mey skal að morgni lofa en veður að kvöldi.
19. Að nötra eins og strá í vindi.
20. Bregðast kann veður til beggja vona.
21. Kulvís verður fisið forna.
22. Stuttir eru morgnar í Möðrudal.
23. Lítið er vort nef en breiðar fjaðrir sagði hrafninn.
24. Vandséð er veður að morgni.
25. Völt er veraldar blíðan.
26. Oft eru kröggur í vetrarferð.
27. Vindinn er tornæmt að temja.
28. Drjúgur verður dags þeyrinn.
29. Brigðular verða þorra þíðurnar.
30. Heiðfrost með birtu af hálfskerðu tungli.
31. Mig syfjar eins og hund í rosa.