0000 Reykjavík

Hönnuður:

Halldór Pétursson, teiknari, var ráðinn af sérstakri dómnefnd til að útfæra merkið á grundvelli samkeppni sem bæjarstjórn Reykjavíkur efndi til í mars 1951.

Tími:

Endanleg útfærsla merkisins var samþykkt sem tillaga dómnefndar á fundi 14. maí 1957 og hlaut samþykki bæjarstjórnar þann 6. júní sama ár.

Merking:

Merkið er hvítar öndvegissúlur og öldulínur á bláum grunni og vísar til öndvegissúlna Ingólfs Arnarsonar sem sigldi til Íslands á öldum hafsins. „Öndvegissúlur voru tákn trúar og tignar, en jafnframt stoðir sem báru uppi skálaþekjuna. Í þessu látlausa merki sem Reykjavíkurborg hefur kosið sér rennur þetta þrennt saman í eitt tákn; hinn tigni uppruni, hið andlega líf og það burðarafl sem borgin er landi og þjóð líkt og sjórinn er og verður undirstaða byggðar á Íslandi.“
Tilvísun í heimild Merki og letur Reykjavíkurborgar, Leiðbeinandi reglur um notkun og meðferð, Reykjavík 1997.