Bráðabirgðadagskrá fyrir Listahátíð í Reykjavík 1974 Bráðabirgðadagskrá fyrir Listahátíð í Reykjavík 1974 sem hefur verið ætlað sem boðsmiði fyrir borgarstjóra, Birgi Ísleif Gunnarsson.
Borgarskjalasafn Reykjavíkur: Málasafn borgarstjóra, askja 250.

Forsíða dagskrárbæklings Listahátíðar í Reykjavík 1974
Forsíða dagskrárbæklings Listahátíðar í Reykjavík 1974.
Borgarskjalasafn Reykjavíkur: Málasafn borgarstjóra. Askja 250.

Aðgöngumiði á einn af fjölmörgum viðburðum Listahátíðar í Reykjavík 1974
Aðgöngumiði á einn af fjölmörgum viðburðum Listahátíðar í Reykjavík 1974. Borgarskjalasafn Reykjavíkur: Málasafn borgarstjóra. Askja 250.

Listahátíð í Reykjavík 1974

Listahátíð í Reykjavík var haldin í fjórða skiptið árið 8. - 21. júní 1974, og er óhætt að segja að þetta árið hafi verið mikill kraftur í hátíðinni og fjölmargir þekktustu listamenn þess tíma tóku þátt. André Previn píanóleikari og breska söngkonan Cleo Lane héldu djasstónleika með John Dankworth og Árna Egilssyni. Auk þess stjórnaði André Previn Sinfóníuhljómsveit Lundúna á tónleikum í Laugardalshöll, Daniel Barenboim píanóleikari hélt tónleika auk fjölmargra annara, íslenskra og erlendra listamanna.

Forseti Íslands, Kristján Eldjárn, hélt ræðu á opnun Listahátíðar en fresta þurfti opnuninni um einn dag þar sem forsetinn hafði öðrum skyldum að gegna við að taka á móti Ólafi Noregskonungi á fyrirhuguðum opnunardegi hátíðarinnar, þar sem Noregskonungur tafðist vegna óveðurs.

Jóhanna Helgadóttir