Á norræna skjaladeginum ætlum við að opna sýningu á skjölum verkalýðsfélaganna í Vestmannaeyjum, en þau eru: Verkamannafélagið Drífandi, Verkakvennafélagið Snót og Verkalýðsfélag Vestmannaeyja. Áhersla verður lögð á upphaf félaganna, stofnun þeirra, lög og þróun fyrstu árin. Tilefnið er gjöf félaganna til safnsins eftir sameiningu Snótar og Verkalýðsfélags Vestmannaeyja í hið endurreista félag „Drífanda“. Sýningin verður opin á opnunartíma safnanna fram að áramótum.